Улаанбаатар хот хоёр дахь өдрөө бүжгийн спортоор амьсгалж байна. Өчигдөр Буянт-Ухаа спортын ордонд Монголын спортын корпораци, МБСХ-ноос 2025 оны Монгол улсын аварга шалгаруулах хосын тэмцээнүүдийг зохион байгуулсан билээ.

Өнөөдөр Мидвэй төвд DANCEBEAT-2025 тэмцээн зохион байгуулагдаж байна. Тэмцээнд Улаанбаатар , Өмнөговь, Өвөрхангай, Говьсүмбэр, Дорноговь, Орхон аймгуудын клубуудын тамирчид оролцож байна. Тэмцээний хүрээнд Монгол улсын аварга шалгаруулах соло бүжгийн анхдугаар тэмцээн зохион байгуулагдана.

Хоёр өдрийн тэмцээнүүдэд МБСХ-ны шүүгчдээс гадна Дэлхийн бүжгийн спортын холбооны А зэрэглэлийн 2 шүүгч (Израил болон БНСУ-аас), В зэрэглэлийн нэг шүүгч үйлчилж байна.

Тэмцээний ялагчид 2025 онд зохион байгуулагдах тэмцээнүүдээс нэмж оноо цуглуулснаар дэлхийн аварга шалгаруулах тэмцээнүүдэд оролцох эрхтэй болно.

Оролцогчиддоо амжилт хүсье