| МБСХ 2001-2009 оны шилдгүүдээ тодрууллаа |
| Бичсэн DanceSport | |
| Пүрэв, 2009 оны 12 сарын 31 | |
 12-р сарын 27-ны орой УАШТ-ий дараа МБСХ-ны шинэ жилийн баярын арга хэмжээ болж өнгөрлөө. Анх удаа зохион байгуулагдаж байгаа энэ арга хэмжээг "Мoon" клубын О.Саранхүү багш маш сонирхолтой, боломжийн түвшинд зохион байгуулсан юм. Шинэ жилийн арга хэмжээнд Улаанбаатар, Дархан-Уул, Орхон, Өвөрхангайн клубуудын төлөөллөөс гадна "Стар", "Хатан туул", "Хос Уянга", "Улаан сарнай" хамтлагуудын гишүүд оролцов.
Баярыг нээж МХО-ы Бүжгийн "Авъяас" төвийн бүжигчин Хатанбаатар, Мөнхцэцэг нар гайхалтай уран мэдрэмжтэй Аргентин тангогоор мэндчилэхэд хуран цуглагсад хөөрөн баясаж хашгиралдаж баяр хүргэж байлаа. Өвлийн өвгөн ("Ододтой бүжиглэе" шоуны ялагч Ууганбаяр), цасан охидоо ("Стар данс" хамтлагийн охид) дагуулан ирэв.
2001-2009 оны шилдэг тамирчин-хосоор Бүжгийн спортын "Лайн оф дэнс" клубын Г.Тамир, М.Үүрийнцолмон нар ОУ-ын тэмцээнүүдэд амжилттай оролцож эх орныхоо нэрийг удаа дараа өндөрт өргөсөн амжилтаараа, 2001-2009 оны шилдэг багш-дасгалжуулагчаар "Лайн оф дэнс" клубын багш А.Мөнгөнхуяг олон шавь нараа дотоодын болон ОУ-ын тэмцээнүүдэд амжилттай бэлтгэн оролцуулсан амжилтаараа, 2001-2009 оны шилдэг клубээр Бүжгийн "Авъяас" төв МБСХ-г бүрэлдэн бий болоход үзүүлсэн хувь нэмэр, зохион байгуулсан арга хэмжээнүүдээрээ, 2001-2009 оны шилдэг арга хэмжээгээр Бүжгийн спортын "Дархан тур" тэмцээн 5 жил тасралтгүй амжилттай зохион байгуулагдаж, оролцогчдын тоо, танхим дүүрэн үзэгчтэй байсан үзүүлэлтээрээ, 2001-2009 оны шилдэг орон нутгийн байгууллагаар Дархан-Уул аймгийн бүжгийн спортын холбоо идэвхитэй үйл ажиллагаа, гишүүн клубуудын тоо, тэдний чанараар шалгарцгаалаа. МБСХ үүнээс хойш жил бүр гишүүдийнхээ ажлыг дүгнэн шилдгүүдээ шалгаруулж байх юм.
Мөн хөгжилтэй тоглоом, хошин асуулт хариултын уралдаан, дуу хуур, хошин мэндчилгээ, жүжигчилсэн тоглолт болсноос хамгийн сонирхолтой нь шинэ жилд оролцогсдын дунд явуулсан азтан тодруулах сугалаа байлаа. Ч.Жаргалсайхан багш нэг азтанд бүжгийн гутал, А.Мөнгөнхуяг бас нэг азтан н.Баяраад бүжгийн ширэн гутал, А.Амармэнд багш азтан Г.Гоомаралд стандартын бүжгийн бүрэн хувцас, Д.Ганбаяр багш азтай Б.Баттулгад мөн стандартын бүжгийн бурэн хувцас, багш Д.Ганцог, н.Сэлэнгээ нар азтан н.Оюун-Эрдэнэд гахайн шарсан толгой бэлэглэв.
Энэ арга хэмжээнд ороогүй хүмүүсийг азгүйд тооцохоос өөр яах ч билээ :) . Дараа жилийн шинэ жилийн арга хэмжээг "Авъяас" төвийн Ч.Жаргалсайхан зохион байгуулахаар болж өндөрлөсөн байна. Бүжгийн спортын их гэр бүлийнхэн, цэнгээнт бүжиг сонирхогчиддоо ирж буй 2010 ондоо эрүүл энх, азтай аатай байж, бүжгийн салбартаа улам их амжилт гаргаж Монгол улсынхаа нэрийг өндөрт өргөхийг хүсэн ерөөе!
|
| < Өмнөх | Дараах > |
|---|
Сурталчилгаа
Сурталчилгаа
Партнер хайж байна
Санал асуулга
Copyright © 2005 - 2010 ::DANCESPORT.MN::.
Designed by Amjilt.com
SalungoSoft LLC энэхүү программыг GNU/GPL Лицензийн дагуу ашиглав.
