|
Өнөөдөр манай улсад бүжгийн спорт, цэнгээнт бүжиг болон бусад төрлийн бүжгээр хичээллэгч, сонирхогчдын тоо өдрөөс өдөрт өсөн нэмэгдэж байна. Бүжгээр хичээллэх нь хүүхэд залуучуудын бие бялдар, гоо зүйн хүмүүжил, ёс суртахуун, төлөвшилд асар их хувь нэмэртэйгээс гадна суугаа ажил эрхэлдэг хүмүүст хөдөлгөөний дутагдлаас гарах хамгийн энгийн бөгөөд үр дүнтэй арга нь болж байна.
Тэмцээний
цэнгээнт бүжиг буюу бүжгийн спортын сонирхогчдыг нэгтгэн, тэмцээн
уралдааныг удирдах гол байгууллага бол Монголын Бүжгийн Спортын Холбоо
(МБСХ) юм. МБСХ нь 2001 онд байгуулагдан идэвхитэй үйл ажиллагаа явуулж
байгаа билээ. МБСХ Олон улсын бүжгийн спортын холбоо (IDSF), Азийн
бүжгийн спортын холбоо (ADSF), Монголын Үндэсний Олипийн Хорооны (МҮОХ)
гишүүн холбоо юм.
2006
оноос манай бүжгийн спортын тамирчин-хосууд Олон улсын тэмцээнүүдэд
амжилттай оролцож хүчтэй өрсөлдөгчид болж байгаагаа нотлон харуулсаар
ирлээ. Цаашид цэнгээнт бүжиг, бүжгийн спортын сургалтыг Олон улсын
стандартаар явуулах, сургалт-бэлтгэл-дасгалжуулалтыг шинэ түвшинд
гаргах, мэргэжлийн боловсон хүчнийг системтэй бэлтгэх асуудал зайлшгүй
урган гарч байна. Иймд 2009 онд МБСХ-ны санаачлагаар Монголын
Мэргэжлийн Бүжгийн Спортын Зөвлөл (ММБСЗ) байгуулагдаж байгаа бөгөөд
тэрээр Монголын бүжгийн спорт ба цэнгээнт бүжгийн мэргэжлийнхнийг
удирдах байгууллага юм. ММБСЗ нь Олон улсын мэргэжлийн бүжгийн спортын
зөвлөлийн (IPDSC) гишүүнчлэлд багтаж ажиллах юм.
Олон
улсад арван бүжгээс бусад бүжгийн төрлийг удирддаг томоохон
байгууллагын нэг бол Олон улсын бүжгийн байгууллага (IDO) юм. Энд
чөлөөт стиль, хип хоп, ар энд би, баллет, брейк дэнс, испани, ирланд,
гудамжны товлуур бүжиг, фламенго, латин стиль, нийтийн бүжиг, ардын
бүжиг, аргентин танго гэх зэрэг багтдаг. 2009 онд мөн МБСХ-ны
санаачлага дэмжлэгээр Монголын Бүжгийн Байгууллага (МББ) байгуулагдаж
байгаа билээ.
|
