"Пасодобль" гэдэг нь Испаниар "Хоёр алхамт" гэсэн үг бөгөөд "Пасо а Дос" буюу "хоёрт зориулсан бүжиг" гэдгээс ялгаатай. "Хоёр алхамт" нь энгийн "1, 2", "зүүн, баруун" гэж тоолдог маршийн алхаатай төстэй.

Энэ нь "Испанийн нэг алхамт"-аас ялгаатай. Учир нь "Нэг алхамт" нь хөгжмийн цохилт бүр дээр алхдаг байна.

Пасодобль бол Испанийн амьдралын нэг хэсэг болсон олон олон бүжгүүдийн нэг юм. Тэрээр бухын тулаан дээр үндэслэгджээ. Бүжиг нь Тореро (эрэгтэй бүжиглэгч) болон түүний нөмрөг (эмэгтэй бүжиглэгч)-ийг дүрсэлж, маршийн аянд бүжиглэнэ. Бухын тулаан нь эртний Критэд байсан ба 1700-аад оны үеэс Испанид үлдэн хоцорчээ. Энэ бүжиг 1930-аад оны үед Парисын дээд зиндааныхны дунд дэлгэрэв.

Сүүлдээ зөвхөн Англи хэлтнүүдийн дунд хязгаарлагдсан байна. Сидней дэх Итали болон бусад европчуудын клубуудад байнга нийтээр бүжиглэдэг.

Пасодоблийн тэмцээний хувилбар нь цээж өндөр, мөр өргөн болоод доош дарагдсан, толгой арагш гэхдээ ялимгүй урагш-доош бөхийсөн байдаг (Өөрөөр хэлбэл нүдээ бухан дээр тогтоосон байдалтай). Урагш алхах үед биеийн жин урагшлах ба ихэвчлэн өсгийлдөж алхана. Пасодоблийг үргэлж "Испана Сани" аян дээр дэглэсэн байдаг. Бүжгийн үйл явдал нь жүжигчилсэн төрхтэй, тун сонирхолтой байдаг байна